വിവാഹിത

വിവാഹത്തിന് ശേഷമാണ് അയാള്‍ക്ക് മറ്റൊരു ഭാര്യയും കുട്ടികളും ഉണ്ടെന്നു അവളരിഞ്ഞത്. എങ്കിലും അവള്‍ പ്രതികരിച്ചില്ല. സന്തോഷകരമായ കുടുംബ ജീവിതതിനു പലതും മറക്കണമെന്ന് അവള്‍ക്കറിയാമായിരുന്നു. തന്‍റെ കടിഞ്ഞൂല്‍ കുഞ്ഞിനെപ്പോലും!!!.

കാമുകി

അയാള്‍ക്ക് അവള്‍ സഹായമായിരുന്നു, സ്നേഹമായിരുന്നു, സാന്ത്വനമായിരുന്നു, തൂവലസ്പര്‍ശമായിരുന്നു..., എല്ലാമെല്ലാമായിരുന്നു.
അയാള്‍ അവളെത്തന്നെ വിവാഹവും ചെയ്തു.
അതോടെ അവള്‍ അയാള്‍ക്ക് ആരുമല്ലാതായി!!!.

ടി.സി.

പി.ടി.എ. മീടിങ്ങിനുശേഷം ഒരു രക്ഷകര്തതാവ് പ്രിന്സിപലിന്റെ പക്കലെത്തി ഏറ്റവും കൂടുതല്‍ കുട്ടികള്‍ തോറ്റ വിഷയം പഠിപ്പിക്കുന്ന മാഷാരെന്നുതിരക്കി. പ്രിന്‍സിപ്പല്‍ പറഞ്ഞു . "ഈ ജില്ലയിലെ ഏറ്റവും നല്ല മാഷ്ക്കുള്ള അവാര്‍ഡു കഴിഞ്ഞവര്‍ഷവും നേടിയ മാഷാ".
രക്ഷകര്‍ത്താവ് ഉടനെ പറഞ്ഞു," എന്നാല്‍ ഈ ജില്ലക്കുപുരത്തുള്ള ഏതെങ്കിലും ഒരു സ്കൂളിലേക്ക് എന്റെ കുട്ടിക്ക് ടി.സി.തന്നേക്ക്‌ ".

ഗ്ലാമര്‍.

പണമോ സ്വാധീനമോ ഇല്ലാതെയാണ് അയാള്‍ മഠം വക സ്കൂളില്‍ അദ്ധ്യാപക തസ്തികയിലേക്ക് അപേക്ഷ നല്‍കിയത് . യാതൊരു പ്രതികരണവും ഇല്ലതെവന്നപ്പോള്‍ അയാള്‍ വളരെ പണിപ്പെട്ടു ഇവ രണ്ടും സംഘടിപ്പിച്ചു. ഒഴിവാക്കാന്‍ മറ്റൊരു കാരണവും കിട്ടാതെ വന്നപ്പോള്‍ മദര്‍ പറഞ്ഞു.

"ഞങ്ങളുടെ സ്കൂളില്‍ ഇനി പുരുഷന്മാരെ ജോലിക്കെടുക്കുന്നില്ല ''.

പുരുഷനായി പോയതില്‍ ജീവിതത്തില്‍ ആദ്യമായി ദുഖിച്ച അയാള്‍ക്ക്‌ വീണ്ടും അതേ സ്കൂളില്‍ ജോലിയില്‍ കയറുന്ന പുരുഷന്മാരെ കണ്ടപ്പോഴാണ് അവര്‍ക്കെല്ലാം ഉള്ളതും തനിക്കു സംഘടിപ്പിക്കാന്‍ കഴിയാതെപോയതും എന്താണെന്നു മനസിലായത്.

അവാര്‍ഡ്.

ഉത്തമ അധ്യാപകനുള്ള അവാര്‍ഡു ലഭിച്ച മാഷിനെ തിരക്കി സ്ക്കൂളിലെത്തിയ വിദ്യാഭ്യാസ വകുപ്പ് മേധാവിയോട്‌ ഹെട്മാഷ് പറഞ്ഞു.
"മാഷ് ക്ലാസിലയിരിക്കും."!
മാഷിനെ തിരക്കി ക്ലാസ്സിലെത്തിയവരോട് കുട്ടികള്‍ ചോദിച്ചു.
"അങ്ങനോരുമാഷ് ഇവിടെ ഉണ്ടോ സാറെ"?!!! .